Понедельник, 21.01.2019, 18:53
МБОУ Соболохская средняя общеобразовательная школа
МО "Момский район"
Приветствую Вас Гость | RSS
Меню сайта
Статистика

Онлайн всего: 1
Гостей: 1
Пользователей: 0

1954 с. Соболооххо аан бастаан 4 кылаастаах начальнай оскуола аhыллыбыта. Оройуон киинигэр үѳрэнэ сылдьар оҕолор дьиэлэригэр кэлбиттэрэ уонна бэлэмнэнии кылааска 10 оҕо киирбитэ, барыта 40-ча үѳрэнээччи баара. Оскуола анал дьиэтэ суоҕа, ол иhин оччотоооҕу "Ленин суола" колхоз кулуубар 1958 сыл сааhыгар диэри үлэлээбитэ. Сэбиэдиссэй Новгородов Николай Иннокентьевич диэн Чурапчы киhитэ уонна Барашков Семен Иванович иккилии кылааhы үѳрэппиттэрэ. Киэhэ ѳттүгэр оскуолаҕа киинэлэр, колхозтаахтар мунньахтара буолаллара.

1955-1956 үѳрэх сылыттан нуучча тылын предметнэй үѳрэтии саҕаламмыта. Ярославскай уобаластан кэлбит Матвеева Л.И., онтон Трифонова Т.А. үлэлээн барбыттара. Маҥнайгы учууталлар кэннилэриттэн Данилов М.К., Григорьев Г.И., Марков Ф.Н., Макарова Н.Н., Кондаков С.М. уо.д.а. үѳрэппиттэрэ.

1957 сыллаахха 10 оҕолоох интернат дьиэтэ тутуллан, 1983 с. диэри кыаммат ыаллар оҕолоро, атын да нэhилиэктэртэн кэлэн олорон, үѳрэнэн кэлин специалист буолбуттара.

Пионерскай үлэ, спартакиадалар, олимпиадалар, фестиваллар үгэс курдук ыытыллаллара. Итилэргэ кыттаары оскуола үѳрэнээччилэрэ саас аайы таба, ат сыарҕатыгар тиэллэн оройуон киинигэр киирэллэрэ.

Оччолорго начальнай оскуоланы бүтэрбит Павлова М.П. - "Бочуот Знага" орден кавалера, Черемкин Т.Е. - поэт, суруйааччы, журналист, Слепцова М.А. - үрдүк категориялаах учуутал, Черемкин Е.П. - авиатор, Черемкин Ю.А.- врач-нарколог буолбуттара.

1958-1959 үѳрэх сылыгар уонча хостоох саҕа оскуоланы Слепцов В.В., Слепцов А.С. уо.д.а. тутан үлэҕэ киллэрбиттэрэ. 1959-1960 үѳрэх сылыгар Тѳбүлэххэ 2 сыл үлэлээн баран Старкова З.И. кэлбитэ. В.С. уонна П.С. Дмитриевтэр хас да сыл оскуоланы салайан олорбуттара, баяҥҥа үчүгэйдик оонньууллара, ырыа-үҥкүү, "уран тарбахтар" куруhуоктарын ыытан кылаас таhынааҕы үлэ лаппа тупсубута, нэhилиэк, колхоз олоҕо биллэрдик сэргэхсийбитэ. 1965-1970 сылларга оскуолаҕа Слепцов Н.И. сэбиэдиссэйдээбитэ, дуобат, саахымат секциялара тэриллибиттэрэ. Бүлүү педучилищетын бүтэрбит Гореева У.И. үѳрэммит оскуолатыгар 1970 с. үлэтин саҕалаабыта. 1973 с. диэри Старкова З.И. кытта иккиэйэҕин начальнай оскуоланы тутан олорбуттара. Бу кэмҥэ үѳрэммит Шкулев С.П.- техническэй наука, Хабаров И.П.- психологическай наука кандидаттара, Хабарова А.С.- суруйааччы, Черемкин  С.Н.- республикаҕа биллэр нейрохирург врач буола үүннүлэр.

1970-ус сыллартан ыла нэhилиэктэргэ 8 кылаастаах оскуолалары аhар сорук турбута. 1-кы 8 кылаастаах оскуола дьиэтэ-уота, базата арыый да үчүгэй буолан Соболооххо аhыллар буолбута. 1973-1974 үѳрэх сылыгар 6 кылаас аhыллан үлэлээбитэ. Директорынан университеты саҥа бүтэрбит Брызгалов Н.А. ананан кэлбитэ. үѳрэх аhылларыгар умайбыт оннугар тутуллубут саҥа оскуола ситэ бүппэккэ турара, эдэр эрчимнээх салайааччы оскуола тутуута ситэриллэригэр, дьиэ малын, үѳрэх тээбиринин булууга элбэхтик сүүрбүтэ-кѳппүтэ. Ити сыл Индигир, Сайдыы, Тѳбүлэх нэhилиэктэрин оҕолоро кэлэн үѳрэммит буоланнар, интернакка 50-ча оҕо олорбута, сэбиэдиссэйинэн Неустроева К.М. үлэлээбитэ. Ол сыл кэлэн үлэлээбит учууталлар: Брызгалова А.И. - саха тыла, биология, география, Соркомова М.И. - нуучча тыла, Абрамов Р.Т. - математика, физика. Нѳҥүѳ сылыгар 7-с кылаас, 1975-1976 сс. толору 8 кылаастаах оскуола аhыллар, 1978 с.  оскуола дьиэтэ салҕаммыта. Ити сылларга директордарынан Слепцов П.Е., Батомонкуев Ц.Ч. үлэлээбиттэрэ. Егорова И.П. - саха тылын, Кочкаров С.М. - математиканы, Алексеенко Т.Ф., Березкина А.А. - биологияны, Прокопьев А.А. - физиканы, Мурашова О.Б. - омук тылын, Лаптев И.П. - үлэ, ырыа уруоктарын үѳрэппиттэрэ. Олохтоох киhи Корякин В.В. физкультураны ыыппыта. СГУ-ну б;тэрэн ыаллыы оройуоҥҥа үлэлээн баран, саха тылын учуутала Слепцова М.А. кэлбитэ. 8 кылаастаах оскуола бастакы выпускниктарын 1976 с. таhаарбыта. Ити сылларга комсомольскай тэрилтэ, учком тэриллибиттэрэ.

1976-1981 сс. директорынан Тарабукина А.П., завуhунан Хабаров И.П. үлэлээн, оскуола материальнай-техническэй базатын салгыы бѳҕѳргѳппүттэрэ, методическай үлэ сүhүѳҕэр турбута. үлэлиир ыччат киэhээҥҥи оскуола программатынан үѳрэнэр усулуобуйата тэриллибитэ. А.И.Соркомов, Ф.Г. Филиппов, У.В.Кузнецова, Н.Н.Старков, С.Г. Приходько уо.д.а. идэ ылалларыгар тѳhүү кыах ууруллубута.      

Спортивнай үлэ араас дьоҕурдаах учууталлар кэмнэригэр сайдыбыта: Стручков В.К. - тустуу, теннис, Софронов И.И. - баскетбол, Харлампьев Ю.П. - хайыhар, теннис. Оччолорго Дьяконова С.М., Черемкина Е.Г., Соркомов А.Н., Черемкин М.М., Слепцова Р.А., Приходько А.Г, Старкова И.Е.,Хабарова Л.Р., Федоров Р.Н. уо.д.а. оскуола киэн туттар спортсменнара этилэр.

1981-1985 сс. Сергучева А.И., Сивцев Д.Е. үлэлиир кэмнэригэр нэhилиэккэ ыччат ортотугар маассабай  кросстары, күрэхтэhиилэри, концертары ыыталлара, общественнай үлэни бүтүннүүтүн тутан олорбуттара. 1982 с. олохтоох учуутал Старков С.С. салалтатынан мастерской, оччотооҕу олохтоох Сэбиэт председателэ Черемкин Н.М., оскуола директора Петрова М.М. кѳҕүлээhиннэринэн спортзал тутуллубуттара.

1988 с. аҕыс кылаастаах оскуола базатыгар орто оскуола аhыллыбыта. Директор Соркомов Е.Е. иитэр-үѳрэтэр үлэҕэ улахан ирдэбили туруорбута, үѳрэтии процеhыгар элбэх саҥа сүүрээни киллэрбитэ. Кини кѳҕүлээhининэн оскуола дьиэтэ эмиэ салҕаммыта. Соркомова К.И. оҕону эстетическэй иитиигэ национальнай үгэстэри киллэрбитэ.

 1992 сыллаахха маастар Кузнецов А.М. кѳҕүлээhининэн гараж үлэҕэ киирэн, тыа оҕолоро техниканы баhылыыр кыахтаммыттара. П. Шепеткин, С. Старков, Г. Кузнецов маҥнайгынан механизатор идэтин баһылаабыттара.

1995с. спортивнай оскуола филиала аhыллан Ф.Н.Слепцов үлэлиир уонна уол оҕо ордук эт-хаан ѳттүнэн сайдарын ситиhэр. Кини иитиллээччитэ А.Иванов тустууга Россия боруонса призера, К.Слепцов Дальнай Восток, Э.Петров, В.Корякин, Т.Троев, В.Фоменко, Т.Березкин зона түhүлгэтин призердара, хайыhарга Е.Троева, К.Слепцов, Д.Кузнецов, В.Старков, С.Неустроева улуус күрэхтэhиилэрин призердара буолаллар.

2001 с. оскуола биир бастакынан ЕГЭ туттарыыга федеральнай эксперимеҥҥэ кыттыыны ылбыта.

 

Вход на сайт
Поиск
Календарь
«  Январь 2019  »
ПнВтСрЧтПтСбВс
 123456
78910111213
14151617181920
21222324252627
28293031
Архив записей
Друзья сайта
  • Официальный блог
  • Сообщество uCoz
  • FAQ по системе
  • Инструкции для uCoz
  • Copyright MyCorp © 2019Создать бесплатный сайт с uCoz